اتبعتلي صورة من مديري ومعاها رسالة بيقولي فيها
كنت براجع الكاميرات بتاعت الشركة ولفت نظري شكل رجلك إيه دا يا حور
بصراحة ما اهتمتش أفتح الصورة حتى.
افتكرت كالعادة إنه معترض على الكعب فقولتله
هاه دا كعب عادي بس شفاف!
بس اللي خلاني أستغرب إنه كان قاعد في الشات وبيتكلم!
المدير أصلا قليل الكلام ونادرا ما بيتعامل معانا
ومع كدا رد عليا فورا
كعب شفاف إزاي دي رجلك!
ضحكت وأنا بقول في سري
يعني طبيعي تبقى رجلي في الكعب!
هو الكعب هيبقى فاضي يعني!
كتبتله باستفزاز
طيب رجلي مستغرب ليه
بس الرد اللي جه بعد كدا خلاني جسمي يقشعر
أعوذ بالله.
وقفت
قلبي وقع حرفيا.
أعوذ بالله!
راجعت المحادثة بسرعة
وصلت للصورة وفتحتها وأنا بقول لنفسي
أكيد مفيش حاجة يمكن بيهزر.
لكن اټصدمت.
اټصدمت صدمة عمري.
أنا نفس الفستان نفس الوضعية
بس رجلي!
مش رجلي.
شكل الرجلين كان أبعد ما يكون عن الطبيعي
مافيش كعب ولا جزمة!
الجلد نفسه واخد شكل كعب عالي!
كأن الرجل لحمتها تشكلت على هيئة جزمة
الصوابع طويلة ومحڼية بطريقة بشعة
والكعب جزء من الرجل طالع منها
مش لابسة كعب أنا نفسي الكعب!
وكان فيه حاجة تانية
الظل على الأرض ما كانش مظبوط
كأن الرجلين مش ماشية
كأنها مركبة.
قعدت أبص للصورة بإيدي بتتهز
ومخي بيرفض يصدق إن دي أنا.
قعدت أبص للصورة بإيدي بتتهز
بس مش من البرد.
من الړعب.
كنت بحاول أقنع نفسي إن في حاجة غلط
كاميرا فوتوشوب أي حاجة!
بس الصورة كانت واضحة
بعدها طلبت من المدير يبعتلي الفديو وفعلا بعتو
فيديو مش صورة سكرين شوت والكاميرا بتصور من زاوية فوق
يعني يعني مستحيل أكون أنا اللي عدلتها.
دي الكاميرات بتاعة الشركة.
وعيني فضلت تركز أكتر
كل التفاصيل كانت أنا
الجاكيت اللي لابساه حتى المشاية اللي ماسكاها في إيدي اليمين
بس رجلي!
مش بشړية.
شكل الجلد العروق طريقة المشي
والمفزع أكتر
إن في آخر الفيديو وأنا ماشية وبظهر للكاميرا
رجلي التانية اتبدلت.
نفس الشكل جلدها اتني وتحول برضه لكعب من لح م.
يعني التغيير كان بيحصل وماخدتش بالي.
قفلت الموبايل وقلبي بيخبط في ضلوعي
رميت الموبايل على الكنبة وجريت على المراية
خلعت الجزمة.
ببطء
خاېفة أبص.
بس بصيت.
رجلي كانت عادية.
أو أنا فكرت كده.
لحد ما بدأت أحس بوخز في الكعب
زي إبرة
وبعدين حرارة
وبعدين
الكعب ابتدى يورم.
من غير أي خدش من غير خبطة
الجلد بينتفخ من ناحية الكعب كأنه بيتنفخ لوحده
لونه بيتغير!
وردي غامق
أحمر
أسود.
زي الكعب اللي في الصورة.
صوت عالي خرجني من صدمتي.
الفون كان بيرن المدير.
رديت وأنا نفسي مش منتظم
قاللي بصوت واطي بس مليان خوف
انتي لازم تمشي من الشركة دي فورا.
فيه حاجات بنشوفها في الكاميرات
بس عمرنا ما كنا بنتكلم.
بس اللي شفته فيك النهاردة
مش طبيعي.
صوت وقع حاجة في المكتب عنده قاطع المكالمة.
سكت وقطع.
كنت لسه ببص على رجلي
لما لاحظت حاجة أبرد من التلج.
في حد واقف ورايا.
مش شايفاه
بس حاسة بنفسه.
نفس تقيل دافي على رقبتي
وهمسة زي الهوى
الكعب اللي جواكي بيظهر أخيرا.
لتكمله القصه اضغط الزر بالاسفل
