ما كنتش عارفه حقيقه جوزي الا ليله الدخله لان بعد ما مشي المدعوين وهديت دوشه الفرح ووقف صوت الطبل لقيتني قدامه وش لوش في اوضه واحده والباب مقفول علينا.
وطيت راسي كنت مكسوفه وخدودي حمرا ما بصتش ليه ابدا وما اتكلمتش خالص عشان هو الراجل اللي لازم يبدا.
استنيت كثير قوي وهو مش بيتكلم ما فيش صوت او حركه خفت جدا وزاد قلقي وتحول كسوفي لخوف ورعب كنت مصدومه هو ليه مش بيتكلم وليه مش بيقرب مني هو ماله؟
اتحركت في قعدتي من غير ما أبص عليه كنت عماله اسال نفسي يا ترى هو مكسوف قوي كده ولا انا ما عجبتهوش؟
جت اجابه السؤال جوايا لا اكيد انا عجباه عشان انا جميله جدا ودي مش اول مره يشوفني فيها ده شافني قبل كده مره وقت الخطوبه.
لكن ما حاولتش ان انا اتكلم معاه خالص وهو ما بداش الكلام وانا ما رضيتش ابدا عشان ما يتخيلش ان انا بنت وحشه لان امي قالت في مرة ان الراجل بيحب البنت اللي بتتكسف ومش بيحب البنت الرغايه,
قلت البسملة في سري وقلت الحوقلة وقريت ايه الكرسي كنت بحاول ان انا اطرد الشيطان لكن برده هو ما تكلمش، سألت نفسي هو عنده مرض منعه من الكلام اكيد لا لان بابا اكد لي ان هو بيتكلم بشكل كويس جدا.
كمان اخويا حكى لي ان كلامه حلو وحكاياته حلوه، يا ترى هو ماله، ممكن يكون سابني ومش قاعد معايا اصلا؟ وفي الوقت ده رفعت راسي واتصدمت بوجوده فنزلت عيني بسرعه وكان صدري عمال يعلى ويهبط.
ما كانش بيبص عليا انا متاكده من ده بالرغم ان انا بصيت عليه بصه سريعه لكن قدرت اعرف ده، رفعت راسي ليه شكل بطيء وكان مشغوله جدا هو حتى مش حاسس ان انا موجوده ده عمال يبص في السقف وهو حاسس بالقلق وعلى وشه تفكير عميق.
اتحرك فجأة لكن انا ما قدرتش أبعد نظرات الدهشة من على وشه ما بصش ليا ده بص للساعه وبعدين قعد يقطم في ضوافره وهو متعصب جامد.
استغربت جدا وحزنت حسيت بيأس ولقيت الدموع بتنزل من عيني وصوت بكائي كان واطي جدا وعماله اشهق جامد.
لف ليا وده اللي زود عياطي اكتر وحسيت ان صوت عياطي عالي، قطع الصمت وتحول الفرح لحزن كبير.
قرب مني ببطء وقف جنبي وقال بصوت غريب سمعته لأول مرة: بتعيطي ليه؟
هزيت كتفي وانا حاسه باليأس ودموعي عماله تزيد على وشي وبقى خريطه الوان من المكياج.
رجع صوته تاني قالي: اسمعي يا بنت عبد الله بن راشد أنت طالق.
وقفت دموعي فجأة وبصيت له وانا فاتحه بقي جامد وبسهوله هو ده يسخر مني ولا بيهزر؟ فين الحقيقة وفي الواقع في اللي بيحصل ده؟ هو انا بحلم ولا ده كابوس مرعب؟
صحيت في اليوم الثاني وانا في بيت ابويا ومطلقه وامي عماله تعيط جامد وابويا بيصرخ وشه اسود وبيقول انت خدت حقك مني يا جبان انا مش هغفر ده ابدا.
في الوقت ده عرفت الحقيقة عرفت ان انا كنت لعبه عشان يخدوا بيها حقهم من بعض اولهم كان بابا اللي كان عايز يجوزني لابن شريكه عشان هو كان غاضب عليه وكان عايز يكسبه في صفه بسبب الخلافات اللي كانت بينهم في التجارة.
والثاني قرر ان هو ياخد حقه من بابا فيا لكن انا ذنبي ايه في كل ده؟ ليه يهد مستقبلي وانا لسه في عمر الشباب؟ ليه أتعرض للعبة زي دي؟
