هنحكي عن اشهر قضيه حصلت في الكويت.
اتدخل في القضيه دي اربع دول هم الكويت والفلبين وسوريا ولبنان.
القضيه او الحادثه حصلت في 2014 والناس اكتشفوها بعد سنه وثلاث شهور من حدوثها.
القصه بتحكي عن نادر شاب كويس من عيله كويسه اجتهدوا عشان يخلوها احسن حاجه في الدنيا وهو عايش في لبنان.
نادر اتعلم كل حاجه في الحياه ما عدا الدين، كان كل حياته عايشها في بيت عمته اللي قريب منهم.
طبعا هو كان وحيد باباه ومامته بس ما كانش حابب الموضوع ده عشان كده كان بيعيش مع عمته لان كان عندها ولاد كتير وهم كانوا من اقرب الناس ليه.
لما كبر وبقى شاب كان حابب جدا ان هو يشتغل في تجاره الملابس والبيع وهكذا وفعلا كان خبير جدا في المجال ده.
اشتغل في البيع وحقق مكاسب كبيره وطبعا بما ان اهله كانوا مهتمين اللي هم يعلموه اكتر من انهم يربوه كان في مشاكل كتيره بتظهر عليه خاصه بموضوع التربيه ده.
طبعا كانت كل ما تحصل مشكله من دول كان بيقول ان باباه ومامته مش عايزينه يكون انسان ناجح وعشان كده بيتخانقوا معاه على اي حاجه، هو مش مقتنع من وجهه نظره انها غلط.
اهتم بالبيع في مجال الملابس بيشتغل في عدد كبير من المحلات وسافر بلاد كبيره اشتغل فيها واخذ خبره كبيره ودا قوى وشخصيته جدا.
كان مشهور بقوته الكبيره في الاقناع وكان بيستغل ده في الشغل بتاعه بس برده كان بيستغل الثقه دي في حاجات كتير مش صح.
في 2008 جالو شغل في الكويت والشغل كانت فرصه كويسه جدا، كان بيبيع احذيه وملابس مسجله.
طبعا الشغل ده كان بمبلغ كبير جدا وقعد ينجح وكان كل اللي جواه ان هو بينجح عشان هو ذكي وكان بيعمل كل حاجه بالذكاء بتاعه ده حتى لو غير شرعيه عشان يجيله فلوس اكتر.
بسبب ان هو ذكي وجذاب عجب بنت اسمها منى من الكويت بس اصلها سوري وهي شغاله في المكان اللي هو فيه ده من اكتر من سنه.
كانت مواصفاتها نفس المواصفاته بالظبط الاقناع والذكاء وعدم التربيه والانسانيه وكل حاجه تتخيلها وكانت اصغر منه بثلاث سنين.
كانت متجوزه وانفصلت من كم سنه ولما شافت صفات نادر لقت ان هي محتاجه حد زيه عشان ينفذ لها حاجات كتير في دماغها.
قربت منى لنادر جدا وبقوا اصدقاء وبعد كده اعجبوا ببعض وحبوا بعض وبعد كده سيطرت عليه بشكل كبير بالرغم من شخصيته القويه.
لغى دماغه خالص وبقت هي اللي بتخطط لكل حاجه وهو بينفذ من غير اي اعتراض.
بعد مرور سنه من علاقتهم قرر نادر ان هو يتجوز منى واتصل باهله وبلغهم وهي كمان اتصلت باهلها وبلغتهم وقالوا ان هم لازم ياخدوا اجازه عشان يتمموا الجواز ده.
لما وصل نادر لبنان اهله رفضوا ان هو يتجوزها خالص لأسباب كتيره اولها ان شكلها مريحهمش، كمان هي كانت متجوزه قبله وهي لسه اول جوازه ليه فإيه اللي يجبروا ان هو يتجوز واحده متجوزه.
مهتمش نادر بقرارات اهله وعمل فرح واتجوز فعلا منى.
باباه ومامته ما حضروش الفرح وده مإثرش فيه خالص وبعد يومين من الجواز رجعوا تاني للكويت.
لما رجعوا الكويت طبعا مكانتهم الاجتماعيه ومرتبهم في الشغل كان بيسمح ليهم ينقوا شقه في احسن مكان في الكويت وفعلا عملوا كده واختاروا شقه مميزه جدا.
بعد سنه من الجواز جابت منى اول طفل ليها وهنا قررت تجيب خدامه تساعدهم بطلبات البيت وفي رعايه الطفل.
اختاروا واحده اسمها جوانا كان عندها 25 سنه وكانت ممتازه جدا في مجالها بس الحقيقه اللي ما كانتش تعرفها ان هي كانت رايحه تعيش مع اثنين نصابين في البيت.
كان اصل جوانا من الفلبين وكانت بتسافر هي واهل منطقتها عشان يشتغلوا خدامين في البيوت العربيه وطبعا الناس كلها كانت بتراعيهم وبتحترمهم.
قعدت جوانا معاهم سنه وكان نادر الكفيل بتاعها وكانت السنه دي من اسوأ السنين عليها لان منى كانت بتتخانق معاها وساعات كانت بتضربها.
تقريبا كانت بتضربها عشان شايفه ان الفلوس اللي هي بتاخدها كثيره وجوانا كانت خايفه ان هي تفقد وظيفتها او خايفه ان منى تمشيها من الكويت خالص زي ما دايما بتهددها.
الفتره دي كان نادر بيتاخر في دفع الايجار وساعات كان بيدفعوا في نص الشهر عشان ظروفه الماديه ما كانتش احسن حاجه.
سنه 2012 بادرت والده نادر ان هي ترجع العلاقات بينها وبين ابنها تاني وده خلاه يفرح ويعزمها تيجي تعيش عندهم اسبوعين وتغير جو.
بعد ما راحت لي مامته قعدت معاهم يومين وبعدها اتخانقت معاها منى وطردتها من البيت وده خلى نادر ياخد مامته ويحجز لها الطياره ويرجعها تاني بيتها.
في الوقت ده نادر قال لمامته ان هو بيحب منى وما يقدرش يعيش من غيرها ولازم ينفذ لها اللي هي عايزاه وده طبعا خلا العلاقات ما بينه وما بين مامته تتقطع وباباه كمان بشكل نهائي.
طبعا هو ما كانش فارق معاه اي حاجه غير رضا منى وفي خلال الفتره دي كانت جوانا مش مرحومه من مد ايد منى عليها طول الوقت.
بعد سنه كانت بتنظف جوانا في البيت وكسرت اكسسوار مهم لمنى بالرغم ان هو ما كانش غالي، ودا خلا منى تتعصب جدا وتقرر انها تمد ايديها عليها بشكل اكبر من كل مره.
في الوقت ده راح نادر قسم الشرطه وبلغ ان جوانا هربت من عندهم واختفت وهنا القانون بيعتبرها مخالفه وبيبدأوا يدور عليها.
طبعا جوانا ما كانتش بتكلم اهلها غير مره في السنه او مرتين وده خلاهم ما يحسوش ان هي مختفيه اصلا.
عدت سنه لحد ما نوصل لاخر سنه 2015 كان على نادر ومنى شيكات كتيره نصبوا بيها على الناس وهي من غير رصيد.
نادر ومنى اختفوا من الكويت ونادر ساب عربيته تحت البيت وصاحب الشقه ما حدش بيديله الايجار من ثلاث شهور.
طبعا صاحب البيت كان بيروح وبيخبط بس ما حدش كان بيرد عليه.
بعد ما عدى ثلاث شهور من غير دفع الايجار وكل الجيران بيقولوا ان هم ما بيشوفوش منى ولا نادر والعربيه باين عليها ان هي ما بتتحركش.
راح صاحب الشقه المحكمه ورفع قضيه ان هو يتمكن من شقته عشان السكان مش بيدفعوا الايجار وبعد مرور ثلاث شهور ثانيين حكمت له المحكمه بانه يتمكن من الشقه.
اتحرك معاه رجال الامن عشان يكسروا باب الشقه ويسلموه شقته.
لما راحوا الشقه لقوا عليها اقفال كتيره جدا وده واضح ان في حد مش عايز الباب ده يتفتح خالص.
شكل الشقه كان باين ان ما فيش حد دخلها من فتره كبيره جدا وده طبعا عرفوه لما قعدوا فتره عقبال ما كسروا كل الاقفال.
الشقه ما كانش فيها اي حاجه غير ديب فريزر وكان شغال.
لما فتحوا الديب فريزر ده اتصدموا جدا لان لقوا جواه جسم كامل مجمد وشكله مخيف جدا.
طبعا رجال الشرطه نقلوها بشكل مباشر على الطب الشرعي عشان يعرفوا دي تخص مين.
لما طبقوا البصمات بتاعتها عرفوا انها للخدامه جوانا اللي من الفلبين.
لتكملة القصة اضغط الزر بالاسفل