من اصعب الحاجات اللي ممكن تقابلها في حياتك انك تلاقي حد بيكبر كل اللي حواليه على انهم يكونوا خونه.
الانسانه اللي عملت الحادثه دي عملتها في 2020 بس احنا محتاجين نرجع بالزمن 17 سنه عشان نعرف ونفهم طبيعه الانسانه اللي هنتكلم عنها.
في سنه 2003 كان في شاب شغال عامل اسمه صابر عايش في الجيزه ومعاه عيلته اللي كلهم شغالين عمال زيه.
كان حلم صابر ان هو يبقى المدير بتاع العمال والمشرف كمان لانه كان متميز وهو في سن صغير لما وصل لسن 26 سنه قرر ان هو لازم يتجوز.
اختار بنت اسمها عبير ساكنه معاه في المنطقه وعليتها زي عيلته سمعتهم كويسه.
صابر كان بيدور على بنت شكلها يكون كويس ما فكرش في حاجه غير الحب والاعجاب لكن الجواز طبعا يختلف عن كل ده.
اتقدم صابر لعبير واتجوزوا بعد وقت قليل وهو كان عنده شقه بسيطه في المنطقه اللي هم ساكنين فيها ووعدها بعد الجواز ان هو هيرفعها لفوق.
طلب صابر من عبير انها تصبر عليه لحد ما يوصلها لفوق وحكى لها ان هو بيطمع ان هو يبقى صاحب بيت ويشتغل مقاول وتجيله شغلانات كبيره عاليه.
طبعا عبير وعدته انها تقف جنبه وبعد فتره من الجواز حصلت بينهم شويه مشاكل وصابر كان بيقدر يحل المشاكل دي بسهوله وعبير كانت بتفكر وتلاقي ان حياتهم مش مستاهله اي مشاكل.
بدأت عبير تحل المشاكل ما بينهم على طول وبعد سنه من الجوازه دي ربنا رزقهم بالطفل الاول وده خلاهم يبطلوا مشاكل والدنيا تبقى بينهم الطف.
حاولوا يلاقوا حلول لكل المشاكل بس كانت المشاكل الدايمه بينهم ان عبير بتبقى لوحدها في البيت وصابر غالبيه الوقت مش معاها.
كانت بتقول ان صابر طول الوقت في الشغل ومش مهتم بالبيت خالص.
بس لما نيجي نبص للموضوع بجد هنلاقي انها ما عندهاش حق في الاتهام ده لان صابر كان بينزل من البيت 8:00 الصبح وبيرجع على خمسه سته البيت وبيفضل في البيت طول الوقت ده .
صابر بقى كانت مشكلته مع عبير حاجه ثانيه ان هي مهمله في نفسها بالنسبه للنظافه وده من اكبر المشاكل اللي كانت بينهم.
حاول صابر يفهمها ايه اللي بيضايقوا منها وطلب منها تهتم بنفسها وده خلاها تعمل معاه مشكله وتقول له ان هو يعرف ستات عليها وده اللي مخليه مش شايفها حلوه.
عدى خمس سنين على الجوازه وبقى معاهم ثلاث اطفال ولسه المشاكل ما بينهم لكن كانوا بيعدوا.
بعد خمس سنين تانيين قدر صابر يجمع الفلوس ويشتري حلمه وهو البيت وكان متكون من ثلاث ادوار ساب اول دورين لاولاده واختار ان هو يسكن في ثالث دور معروف عشان يرتاح فيه بعد نهايه يوم شغل طويل.
وحقق تاني حلم ليه وبقى مقاول وبيستلم شغلانات كبيره والناس بتستأمنوا على فلوسها وسمعته زي الجنيه الذهب.
الناس لما بتتسأل عن صابر بيتقال ان هو انسان كويس وأمين اما لما بيتسألوا عن عبير بيقولوا انها طمعانه في صابر وانها مش أمينه.
لما بدأت سنه 2015 قرر صابر في الوقت ده ان هو يطلق عبير وعبير سابت اولادها عند مامتها.
صابر كان بيدفع مصاريف ولاده كلها بس في الناحيه الثانيه عبير كانت بتكره الولاد في باباهم وبتقول ان هو ما بقاش عايزهم ومش بيدفع لهم اي فلوس.
كمان كانت بتقول لهم ان المسؤوليه كبيره عليها وان باباهم اكيد هيتجوز واكيد البيت اللي عنده مش هيدي فيه لأولاده في اي حاجه.
طبعا عشان الولاد كان سنهم صغير صدقوا كل اللي قالته مامتهم بس استغربوا لما خلصت شهور العده على طول مامتهم اتجوزت.
الراجل اللي اتجوزها ده قال لها ان هو كان بيحبها من وهي صغيره وكان بيتمنى انها تطلق عشان يتجوزها.
طبعا عبير كانت فرحانه ان في حد جه عشان يتجوزها وكانت عايزه تبين قدام الناس ان صابر وظلمها فوافقت على الجواز من الراجل ده.
بعد ما اتجوزوا بثلاث شهور الراجل اكتشف نفس المشاكل اللي كانت عند صابر هي مش مهتمه بنفسها ومش نظيفه النظافه الشخصيه بتاعتها فاضطر يطلقها بعد ما عدا سنه على الجواز.
طبعا عبير كان عندها اقتناع كبير ان العيب في الرجاله مش فيها وما حاولتش تغير في نفسها ابدا.
رجعت تاني عبير بيت اهلها وبعد فتره الجيران والاهل حاولوا ان هم يصلحوا ما بينهم ويقولوا ان هم لازم يرجعوا عشان اولادهم يتربوا بينهم.
بعد ضغط كبير على صابر في اخر سنه 2016 قرر ان هو يتجوز عبير مره ثانيه وهي وعدته ان هي هتغير من نفسها في كل حاجه.
مر سنه على رجوعهم بس نفس المشاكل ما بينهم هي هي لكن صابر قال ان سنهم كبر ومش هيضيعوا وقت ثاني وخلاص هو اتعود عليها والولاد ما بينهم مبسوطين.
بعد اي حاجه عن دماغه وحط قدامه الولاد ومصلحتهم.
مرت سنه كمان وخلفت عبير ولد رابع وده خلى صابر مبسوط عشان عيلته بتكبر وخلاص بقوا متعودين على المشاكل اللي بينهم والجيران كمان والاهل بقوا عارفين ان بينهم مشاكل بس خلاص متأقلمين عليها.
في اربعه اغسطس عام 2020 صابر ما نزلش شغله ولا خرج من البيت ولما حاول اهله واخواته يكلموه ما كانش بيرد عشان تليفونه كان مقفول.
روحوا اخواته عشان يسألوا عليه عبير قالت لهم ان هو نزل زي ما متعود الساعه 8:00 الصبح وما رجعش وطبعا هم قلقوا عليه جدا لان ده مش من عادته ان هو يختفي.
بعد كده عبير قالت لهم هي حاسه ان هو اتجوز غيرها وان هم متفقين معاه وهم بيمثلوا عليها ان هو مختفي.
طبعا عشان كان في مشاكل بين عبير وصابر اخواته ما كانوش مصدقين اي حاجه بتقولها عبير وتاني يوم لما مظهرش صابر راحوا على قسم الشرطه وعملوا بلاغ تغيب.
طبعا رجال الشرطه اتحركوا مع اهله على بيته ولما تكلم رجال الشرطه مع عبير لقوها بتتكلم بهدوء وقالت الكلام اللي قالته لاخواته عن اختفائه من الساعه 8:00 الصبح.
لما قال لها رجال الامن ليه انت ما عملتيش بلاغ بالتغيب لجوزك قالت ان هي عارفه ان اخواته جنبه وهيعملوا هما البلاغ ده عشان كده ما عملتش.
طبعا كان باين على اخوات صابر ان هم بيوضحوا لرجال الامن ان عبير ممكن تكون عملت حاجه في صابر.
اللي خلاهم يوصلوا للتفكير ده ان الاهل كانوا دايما بيحكوا عن المشاكل اللي بين صابر وعبير.
سأل رجال الامن عبير شويه اسئله عن صابر وبعد كده وهم ماشيين لقوا ان في كاميره مراقبه على محل قريب من البيت وبتجيب مدخل البيت.
طبعا المكان كان عادي وما كانش فيه كاميرات مراقبه غير في حتت قليله، هنا قرر رجال الامن ان هم يفرغوا الكاميرات اللي موجوده في المكان كله عشان يعرفوا خط سير صابر اخر يوم.
يوم الجمعه بدأ البحث الجنائي يفرغ الكاميرات بتاعه الشارع واكتشفوا ان صابر اصلا ما نزلش من البيت اليوم ده وما ظهرش في الشارع خالص يوم الاربعاء لا الصبح ولا في اي وقت تاني.
رجعوا ليوم التلات لقوا وصابر راجع البيت الساعه 6:00 بالليل عادي جدا وبعدها ما نزلتش من البيت تاني.
الساعه 1:00 بالليل يكتشفوا ان في شاب دخل البيت وبعدها بشويه لقوا وعبير وابنها خارجين من البيت وشايلين مرتبه تقيله جدا وحطوها في التروسيكل ومشيوا.
قعدوا يفرغوا كل كاميرات المراقبه عشان يتتبعوا خط سير عبير وابنها لقوا ان هم ودوا المرتبه عند الترعه مردومه بعيد عن المنطقه شويه.
لما دققوا في كاميرات المراقبه عرفوا ان الولد اللي دخل الساعه 1:00 او الشاب هو ابن اخت صابر وان الولد اللي كان معاها وهم بيرموا المرتبه هو ابن صابر اللي عنده 16 سنه.
راح رجال الامن على المنطقه اللي المفروض ان المرتبه اترمت فيها ما لقوش ليها اي اثر فطلبوا انهم يفرغوا باقي الكاميرات عشان يعرفوا اللي بيحصل.
